Nakaukit sa Bato

Konting ligaya
Konting lungkot
Padaplis-daplis lang
Pagkat buhay ay maramot

Konting inom
Pantanggal ng bagot
Konting usap
Pantanggal ng gusot

Iniisip parati
Mga dagok ng buhay
Madalas ninanais
Na ika’y walang malay

Ganyan talaga
Isipin kasinungalingan
Sa presinto magpaliwanag
Limot ang katotohanan

Isipin ang tama
Pabayaan ang mali
Palampasin ang pagkakataon
Panahon ay di mo pag-aari

Isang tinggin
Isang sulyap
Lumingon ng saglit
Wala sa isang iglap

Isang pangungusap
Kahit minadali
Kahit di nakasulat
Hindi na mababawi

Hindi ko pa alam
Ang sasabihin sa iyo
Ayoko munang mag-isip
Saka na natin tapusin ito