Ex Libris: End of March

Hanggang end of March na lang...

Mainit, summer, may tao pa rin sa tambayan ng Ex Libris kahit umuwi na ang karamihan ng probinsya. Kinawayan nya ang kaibigang kanina pa naghihintay sa kanya.

"Hi, sir," bungad ni Gaea na humahangos na dumating sa Tambayan sabay kaway rin sa propesor na kasama ng mga thesis people.

"O, kanina ka pa hinihintay ni Jess."

"Oo nga, po."

"O, kayong dalawa? Kelan kayo gragraduate?"

"Summer na kami, sir," sagot ni Jess.

Nabaling ang tingin nila sa mga nakaupo nang may tumawa, meron sigurong nagbiro na naman. Parati namang ganito ang tambayan, masaya, maraming nagtatawanan.

"O," balik ni sir sa dalawang babaeng kausap, "Kunan nyo na ng litrato, hindi na mauulit yan. Gragraduate na yang lahat."

Biglang tumakhimik si Gaea. Nagsimula itong humikbi. Tumigil ang tawanan. Di na mapigilang tumulo ang luha, unti-unting tumalikod si Gaea.

"Huy! Wag kang umiyak."

"Okay lang ako, sir."

Nang matuyo na niya ang mga luha, humarap sya sa mga kaibigan at binuksan ang kanyang bag at dinukot ang baong digicam. Sa huling pagkakataon ay kinunan nya ng litrato ang kanyang mga kaibigang nakaupo sa tambayan.